|
* Jal gaye yaad ke baam o dar dhoop mei’n *
Jal gaye yaad ke baam o dar dhoop mei’n,
Par salamat hai dil ka khandar dhoop mei’n,
Ho na jaaye kahi’n be asar dhoop mei’n,
Yu’n pareshaa’n hai range sahar dhoop mei’n,
Bekhabar tha samunder magar machliya’n,
Aish karti rahi’n ret par dhoop mei’n,
Phoos ki kholiyo’n me’n hai dahshat bapa
Dhoondta hai am’an ik sharar dhoop me’n
Subah se aik saya bhatakta raha
Ik dareecha raha muntazar dhoop me’n
Mere ahsas ki titliya’n kho gayee
Rafta rafta “Kanwal” motabar dhoop me’n
|
|