Ubhre ga Kabhi jo hai abhi doobta chehra
Kankar na ise maro ki hai phool sa chehra

Tanvir mili harfe-siyah se bhi jaha’n ko 
kora tha jo kaghaz wo hai ab ved ka chehra

Kuch dhul bhi darpan pe hai lamho’n ke safar ki
kuch gham ki tapish se bhi hua sanwla chehra

Mai’n perh hu’n, dam lete hai’n sab chhaoo’n me meri
Jhulse hai’n magar dhoop mei’n tanha mera chehra

Ehsas ke aangan me’n koi phool khila hai
aata hai bahut yaad “Kanwal” yaar ka chehra