Sunahri yaado’n ke jangal me’n khogayee hogi
Woh gujre lamho’n ki chaukhat pe so gayee hogi
Mai’n apni zid ke dareeche se jha’nkta hi raha
Ana ke morh se wapas woh hogayee hogi
Daraz baaho’n ke pinjre me’n tarhpharahti huyee
Woh dewdasi dopatta bhigo gayee hogi
Yeh soch kar ke ik asparsh me’n mita dega
Woh ik moj kinara dobo gayee hogi
Mujhe bhi neela samundar nigal raha hai “Kanwal”
Woh chandni bhi jazeero’n me’n kho gayee hogi