* Ret me'n sabza ugana hi mera dastoor hai *
Ret me'n sabza ugana hi mera dastoor hai
Kuchh bhi ab ho jaye, tera zayeqa manzoor hai
Haath aajaye to jaise har elaqa saltanat
Haath na aaye to yeh samjho ke dilli door hai
Lamha lamha barh rahi hai be yaqini ki giraft
In dino'n taqdir jaane kis nashe me'n choor hai
Tere afsane me'n bhi ab morh aahi jayega
Meri barbadi ka qissa har jagah mashhoor hai
Ab ghalat fahmi ki khaii aur gahari ho gayee
Tum ana orhe raho, naachiiz bhi majboor hai
Waqeya yeh hai akela pan mujhe raas aagaya
Yar logo'n ne kaha "Rashid" bahut maghroor hai
Urdu Deptt. Karim City College,
Jamshedpur (Jharkhand)
|