* Har chand chaahataa huun ki unkaa kahaa karoon Har chand chaahataa huun ki unkaa kahaa karoon *
Ghazal
Har chand chaahataa huun ki unkaa kahaa karoon
Lekin ye aarzoo ki tamaashaa kiyaa karoon
Sooraj kii roshanii ne kiyaa dil ko daagh daagh
Lii hai panaah teeragii e shab men kyaa karoon
Har ashk e khoon e dil ke hai jii men ye aajkal
Aisaa bhii ho ki palkon se unkii bahaa karoon
Ho yuun ki din dhale koii aakar mire qareeb
Ruudaad merii mujhse kahe main sunaa karoon
Lab par shikaayat e gham dauraan na aa sakii
Maayuusiyon ne shart lagaaii thii kyaa karoon
Be baal o par sahii ye magar be amal nahiin
Murgh e chaman ko qaid e qafas se rihaa karoon
Uth kar dar e habeeb se dil men hai ye ‘Ravi’
Jaa kar dayaar e ghair men tanhaa rahaa karoon
***** |