* تو ہے امت کا نگہبان رسولِ عربیؐ *
نعت پاک
تو ہے امت کا نگہبان رسولِ عربیؐ
ارفع ، اعلیٰ ہے تری شان رسولِ عربیؐ
ہو مدینے کی زیارت یہ تمنا ہے مری
ہے مرے دل میں یہ ارمان رسولِ عربیؐ
تیری شفقت کا ، محبت کا تری ، کیا کہنا
ہر بشر تجھ پہ ہے قربان رسولِ عربیؐ
تو ہے اللہ کا پیارا ، تو ہے محبوبِ خدا
تجھ پہ نازل ہوا قرآن رسولِ عربیؐ
تیری سنت پہ چلوں ہے یہی خواہش میری
ڈگمگائے نہ یہ میرا ایمان رسولِ عربیؐ
وہ منافق ہی رہا سارے زمانے میں صدف
چھوڑ دے جو ترا فرمان رسولِ عربیؐ
صدف جہاں
I-99, Ramesharpur Road,
Matiaburj, Kolkata-700024
Mob: 9331775376
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………
|