Ye fasaloon ki dooriyaan mita\'een gay ik din. 
Koocha e Jaana ko apnay saja\'een gay ik din. 
Rahi e Muhabbat tu kabhi gumnaam na howa. 
Is rah main naam ham bhi kama\'een gay ik din. 
Teray teer-e-neem kash ka charcha bohat hay jaana. 
Ye ghao apnay seenay pe saja\'een gay ik din. 
Us din k liye kitnay sapnay hain sajaye. 
In sapnoon ko ta\'beer dikha\'een gay ik din. 
Kehtay hain k Qais say nayaab hain ab loog. 
Apna junoon ham bhi tu aazma\'een gay ik din. 
Ye mata-e-jaan hi tamam daulat hay apni. 
Ye sultanat bhi tujh pe luta\'een gay ik din. 
Ik din dikha hi dain gay jazba-e-junoon apna. 
Deewana tujh ko apna bana ja\'een gay ik din. 
Malboos khush numa jachtay hain tujh pe khoob. 
Khil\'ata-e-aroosa tujh ko pehna\'een gay ik din. 
Jo daastan-e-ishq raqam kar gay farhaad. 
Tareekh muhabbat ki wo duhra\'een gay ik din. 
Tumhi Jan-e-jaana tumhi sahiba ho apni. 
Waday tamam apnay nibha\'een gay ik din. 
Ab tak tu SAHIB kehlatay hain ham loog. 
Deewan-o-majnoon bhi kehla\'een gay ik din.