* Hum Ehad Mohabat Ka Nibhaatay Chalay Gaye *
Hum Ehad Mohabat Ka Nibhaatay Chalay Gaye
Har Dard Ko Seenay Say Lagaatay Chalay Gaye
Kuch Yoon To Zindagii Nay Bhi Bakhshi Theen Zillatain
Kuch Hum Bhi Dil K Daagh Badhaatay Chalay Gaye
Kis Kis Say Yeh Kehtay K Haan Barbaad Ho Gaye
Bus Khud Ko Yahii Baat Sunaatay Chalay Gaye
Ik Baar Roothnay Ki Saza Us Nay Ajab Di
Hum Us Ki Khata Par Bhi Manaatay Chalay Gaye
Tujh Ko Khabar Nahi Magar Aye Shokh Kisi Ko
Din Raat Judaai K Mitaatay Chalay Gaye
Sahil Pay Baith Kar Teri Yaadoon K Sath Hum
Kaaghaz Ki Kashtion Ko Jalaatay Chalay Gaye
|