|
* Mohabbat tark ki mai'n ne gareba'n si liya mai'n ne, *
Mohabbat tark ki mai'n ne gareba'n si liya mai'n ne,
zamane ab to Khush ho zahar ye bhi pi liya mai'n ne,
Abhi zinda hu'n lekin sochta rahta hu'n Khilwat may ,
ki ab tak kis tamanna ke sahare ji liya mai'n ne,
Unhe'n apna nahi sakta magar itana bhi kya kam hai,
ki kuch muddat hasi'n Khwabo'n may kho kar ji liya mai'n ne,
Bas ab to daman e dil chhor do bekar ummido,
bahut dukh sah liye mai'n ne bahut din ji liya mai'n ne. |
|