|
* Aap bewajah pareshan si kyo'n hai'n madam, *
Aap bewajah pareshan si kyo'n hai'n madam,
log kahte hai'n to phir Thik hi kahte honge ,
mere ehbaab ne tahazib na sikhi hogi,
mere mahaul may insan na rahte honge,
Nur e saramaya se hai ru e tamaddun ki jila,
ham jaha'n hai'n waha'n tahazib nahi pal sakti,
mufalisi hiss e latafat ko mita deti hai,
bhook adab ke sanche may nahi Dhal sakti,
Log kahte hai'n to logo'n pe t’ajjub kaisa,
sach to kahte hai'n ki nadaro'n ki izzat kaisi,,
log kahte hai'n – magar aap abhi tak chup hai'n
aap bhi kahiye Gharibon may sharafat kaisi,
Nek madam! Bahut jald wo daur aayega,
jab hamay zist ke adawar parakhne honge,
apni zillat ki qasam, aap ki azmat ki qasam,
hamko ta’zim ke me'aar parakhne honge,
Hamne har daur may tazlil sahi hai lekin,
hamne har daur ke chehre ko ziya bakhshi hai,
hamne har daur may mehnat ke sitam jhele hai'n ,
hamne har daur ke haatho'n ko hina bakhshi hai,
|
|