|
* Khuddaariyo'n ke Khuun ko arzaa.N na kar sake, *
Khuddaariyo'n ke Khuun ko arzaa.N na kar sake,
ham apane jauharo'n ko numaayaa.N na kar sake,
hokar Kharaab-e-may tere Gham to bhulaa diye,
lekin Gham-e-hayaat kaa darmaa.N na kar sake,
TuuTaa talism-e-ahad-e-mohabbat kuchh is tarah,
phir aarazuu kii shamaa furezaa.N na kar sake,
har shay qariib aake kashish apnii kho ga_ii,
vo bhii ilaaj-e-shauq-e-gurezaa.N na kar sake,
kis darjaa dil-shikan the mohabbat ke haadase,
ham zindagii me'n phir ko_ii armaa.N na kar sake,
maayuusiiyo'n ne chhiin liye dil ke val-vale,
vo bhii nishaat-e-ruuh kaa saamaa.N na kar sake. |
|