|
* Hawas nasib nazar ko kahi'n qarar nahi, *
Hawas nasib nazar ko kahi'n qarar nahi,
mai'n muntazir hu'n magar tera intazar nahi,
Hami'n se rang e gulista'n hami'n se rang e bahar,
hami'n ko nazm e gulista'n pe ikhtiyar nahi,
Abhi na cher mohabbat ke geet ae mutarib,
abhi hayat ka mahaul khushgawar nahi,
Tumhare ahd e wafa ko ahad mai'n kya samajhu'n,
mujhe khud apni mohabbat ka aitbar nahi,
Na jane kitne gile is may muztarib hai nadim,
wo ek dil jo kisi ka gila gusar nahi,
Gurez ka nahi qayal hayat se lekin ,
jo soz kahu'n to mujhe maut nagawar nahi,
Ye kis maqam pe pahuncha diya zamane ne,
ki ab hayat pe tera bhi ikhtiyar nahi. |
|