ZehnoN meiN aagahi ke saheefe bikhar gaye
tha jin pa hamko naaz wo sajde bikhar gaye
jo naqsh ho gaye thay diloN par misal e zao
wo aks aks sandali naghme bikhar gaye
purkaif kainaat ka lehja badal gaya
bedar sa-atoN ke ujale bikhar gaye
tajdeed e fikr o ilm se ubhreiN baghawataiN
irfane zindagi ke sawerey bikhar gaye
ek loot si machi thi sar-e-zindagiy e shaam
nazaroN meiN goonjte huve chehre bikhar gaye
sajid tilism-e-roo-e-sahar muskura pada
khamooshiyoN ke narm ishare bikhar gaye
******