chalo aaj phir zindagi ko manayeiN
tarasheiN koi but khudai jagayeiN
wo jugnuyi sochoN ki khamoosh thandak
wo tajdeed e fikr o nazar ki shuayeiN
ba shakle naveede bahare tajalli
umad aayeiN sahraye gham par ghatayeiN
muattar hai saNsoN meiN yadoN ki khushboo
munawwar haiN nazaroN meiN charoN dishayeiN
khileiN phool ban kar faseele chaman par
shafaq tab, neeli, rupahli duaeiN 
******