* Dono Aalam ki khabar rakhte heiN *
Dono Aalam ki khabar rakhte heiN
ham qalandar si nazar rakhte heiN
chashme weeraN ke to sahra pa na ja
dil ke aaNgan meiN shajar rakhte heiN
un se pucho jo banate heiN makaaN
kya makanoN meiN wo ghar rakhte heiN
apni aawaz ki zinda tasveer
ham sare rah guzar rakhte heiN
qaid kya karte zamane unko
har nazar meiN jo safar rakhte heiN
jo jalate heiN charaghoN se charagh
wo kahaN ham sa hunar rakhte heiN
Teri yadoN ke kharaboN meiN hameed
roz ek chand nagar rakhte heiN
****** |