apni nazaroN meiN naye chand tarasha kijay
is tarah zeest k kuch roz guzara kijay
wus a te dil pa kabhi apni bharosa kijay
shama saN raat ki taqoN pa jalaya kijay
kuch to seemabiye fitrat ka bharam rah jaye
abr ho to kisi sahara pa bhi barsa kijay
gumshuda yaad hooN , mit ti huvi tahzeeb huN meiN
ab dafeenoN meiN mujhe aap talasha kijay
dhoop kay dasht meiN sayoN ki zaroorat ho agar
apni aawaz ki parchaiyaN dhooNda kijay
jeene marne k alawa bhi marahil heiN kayi
is tanazur meiN kabhi zeest ko dekha kijay
mashwara hai m'ra arbabe alam ko sajid
zindagi geet hai aur jhoom k gaya kijay 
*****************