وہ راستہ ہی الگ تھا جہاں سے ميں آیا 
کہ سير کرتا ہوا لامکاں سے ميں آیا 

جو ہمسفر تھے خلاء میں بکھر گۓ سارے 
مگر زميں کی طرف آسماں سے ميں آيا 

ہجوم تھا ترے عشّاق کا سر_مقتل 
کہ رقص کرتا ہوا درمیاں سے ميں آيا 

قريب تھا کہ کوئ ہاتھ کھينچتا مجھ کو 
نکل کے گرد_ رہ_رفتگاں سے ميں آيا 

ستارے رکھتا ہوا فرش_ خواب پر تری سمت 
اتر کے کشتیء ابر _ رواں سے ميں آيا 

ارادے سے نہيں آيا تری طرف دنيا !!۔ 
فريب_گردش_ہفت آسماں سے ميں آيا 

اشارہ چاہيۓ تھا اس نگاہ کا مجھ کو 
نکل کے کيسا صف_دشمناں سے ميں آيا 

حصار کھينچ رکھا تھا جہاں ہواؤں نے 
چراغ بن کے اسی خاکداں سے ميں آيا 
********************