donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Sarwar Alam Raz
 
Share to Aalmi Urdu Ghar
* khel ik ban gayaa zamaane kaa *
khel ik ban gayaa zamaane kaa
taZkarah mere aane jaane kaa

zindagee le rahee hai ham se Hisaab
qat^reh qat^reh kaa, daane daane kaa

kyaa bataaYe woh Haal-e-dil apnaa
"jis ke dil meN ho Gham zammane kaa"

ham idhar be-niyaaz-e-sood-o-ziyaaN
shauq udhar tum ko aazmaane kaa

dil-figaaree se jaaN-supaaree tak
muKhtaSar hai safar diwaane kaa

zindagee kyaa hai aa bataa,ooN maiN
ik bahaanah fareb khaane kaa

ban gayaa Ghamgusaar-e-tanhaayee
Zikr guzre huwe zamaane kaa

dil-lagee naam rakh diyaa kis ne
dil jalaane kaa, jee se jaane kaa

ham bhee ho aaYeN us t^araf :Sarwar:
koyee Heelah to ho Thikaane kaa!
 
Comments


Login

You are Visitor Number : 370