dil peh guzre hai jo bataa hee de!
daastaaN ab use sunaa hee de!

mere Haq meN du,a'a naheeN, nah sahee
kisee Heeleh se bad-du,a'a hee de!

kho nah jaaYe kaheeN miree pehchaan
to wafaa kaa Sialh jafaa hee de!

shaam-e-furqat kee tab SaHar ho gee
Husn jab i'shq kee gawaahee de

be-zabaanee miree zabaaN hai ab
soz-e-shab, aah-e-SubHgaahee de

kaun samjhaaYe, kis ko samjhaaYe
ab to ai dil! use bhulaa hee de

kuchh to mil jaaYe teree meHfil se
naa-muraadee kaa silsilaa hee de!

dil zamaaneh se uTh chalaa hai ab
kab talak daad-e-kamnigaahee de!

apnee majbooriyoN peh shaakir hooN
itnee taufeeq to Ilaahee! de!

tujh perh :Sarwar: kabhee nah yeh guzre
shaa,i'ree daaGh-e-kajkulaahee de