* Aseerii se to achha hai mar jaa *
Aseerii se to achha hai mar jaa
hawa ke waar se pahle bikhar jaa
tujhe khaa jayegi yeh be panahii
samundar aa mere payale mei'n bhar jaa
tujhe shayed yeh duniya maan jaye
isi zid mei'n kabhi had se guzar jaa
bicharh jaane pe aakhir kyo'n tula hai
qadam ko rok le ab bhi thahar jaa
bahut saffak hai yeh log 'Sajid'
inhii'n mei'n rah inhei'n hairaan kar ja
|