نعت پاک

کیا مرتبہ ہے اعلیٰ اولا مرے نبیؐ کا
ہے خالقِ دو عالم شیدا مرے نبیؐ کا

بے شک ہیں نور پیکر وہ رشکِ ماہ و اختر
دیکھا نہیں کسی نے سایہ مرے نبیؐ کا

کرتے ہی اِک اشارہ ٹکڑے ہوا قمر جب
یہ معجزہ بھی سب نے دیکھا مرے نبیؐ کا

کچھ اور دیکھنے کی حسرت رہے نہ باقی
اک بار دیکھ لے جو جلوہ مرے نبیؐ کا

گزرے جدھر جدھر سے وہ رحمت دو عالم
مہکا گیا فضا کو جُبّہ مرے نبیؐ کا

مٹی میں مل گئے سب نام و نشان والے
دنیا میں چل رہا ہے سکّہ مرے نبیؐ کا

اُنؐ کے نقوشِ پا پر چلتی رہے گی ثروت
جنت کا راستہ ہے رستہ مرے نبیؐ کا

ثروت جہاں 

Alibagh, Zakir Nagar , Mangu
Jamshedpur (Jharkhand)
Mob: 9852870790
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………