MaiN Khayaal-o-Khvaab kii laa-makaanii meN qaid huuN,
kahiiN apne dard kii raayegaanii meN qaid huuN,
mujhe intizaar, vo lauT aayegaa aik din,
maiN to aaj bhii isii Khush-gumaanii meN qaid huuN,
(Khush-gumaanii : false hopes)
merii aaNkh meN vo saraab haiN terii yaad ke,
mujhe lag rahaa hai maiN jaise paanii meN qaid huuN,
(saraab : mirage)
ye jo satar satar pe naqsh hai merii daastaaN,
maiN huuN vaaqiyaa jo kisii kahaanii meN qaid huuN,
abhii baat karnaa muhaal hai kisii baat par,
abhii chup huuN aur kisii be-zubaanii meN qaid huuN.