|
* phir woh pehli si thii jo baat na ho jaaye kahiN *
phir woh pehli si thii jo baat na ho jaaye kahiN
dil shinaa'saa'ye kharaabaat na ho jaaye kahiN
gum ta'aaqub meN tire zaat na ho jaaye kahiN
roaz-e-roshan bhi mira, raat na ho jaaye kahiN
dil se apne rahe khadsha, ke tujhe daikh ke phir
munharaf mujh se yeh bad zaat na ho jaaye kahiN
door rehta hooN, tau dartaa hooN ke is doori se
sard yeh shorash-e-jazbaat na ho jaaye kahiN
laut aaooN jo tire she'r, tau dhRkaa yeh rahe
piyaar phir shaamil-e-haalaat na ho jaaye kahiN
mat gino apni safaaii meN karam yuN, keh mira
dil bhee maayal ba hisaabaat na ho jaaye kahiN
baat kehne ki khalish dil meN hai jo, keh daalo
gham ki, seene ko yeh saughaat na ho jaaye kahiN
**************** |
|