* na boajh yuN dil-e-muztar peh apne daal ke rakh *
na boajh yuN dil-e-muztar peh apne daal ke rakh
dukhoN ko goshoN meN iske na too saNbhaal ke rakh
har aik sh'ay peh to qudrat nahiN hai insaaN ko
shikast-e-dil ko ba-soorat na ik wabaal ke rakh
giraaN hain raat ke aasaar, zehn dil ke liye
suhaane yaad ke lamhe zara nikaal ke rakh
meN jaanta hooN nahiN dastars meN woh meri
hawa mahek se to uski na dil uchaal ke rakh
bahel hi jaaeN ge aiyyaam hijratoN ke KHALISH
khayal-o-khuwaab usii husn-e-be'misaal ke rakh
**** |