غزل 

( برائے  بہار  اردو  یوتھ  فورم)

حزن    و  افلاس  کے   جو  مظہر ہیں 
  گاؤںمیں ایسے لوگ گھر گھر ہیں
کاٹتے   ہیں   گلا    گلے   مل کر
ظالموں  کی  بغل   میں خنجر ہیں

ہر طرف چھا  رہا ہے خوف و ہراس
ہر  طرف   ہولناک    منظر ہیں

شور     و    ہنگامئہِ جہالت  میں
اپنی     خاموشیاں  ہی بہتر ہیں

دشمن ِ جاں   ہے   دوستی  ان کی
ان  کی  باتیں  نہیں ہیں نشتر ہیں

کل یہی لوگ دوست تھے میرے
جن  کے ہاتھوں میں آج پتھر ہیں

کس  کو  چھوٹا  کہوں   بڑا کس کو
میری نظروں میں سب برابر ہیں

 کب  ملے  تھے  کسی  سے ہم لیکن      
ذہن  و  دل    آج  تک  معطر ہیں

خو د  کو  کہتے   ہو  بے گناہ شفیق ؔ
کتنے   ا لزام   آپ کے سر  ہیں

 شفیق ؔ  رائے پوری
 موبائل  نمبر  9406078694  

***********************