* تم سن نہیں سکوگے مری داستانِ دل *
غزل
تم سن نہیں سکوگے مری داستانِ دل
لفظوں میں ہوسکے گا نہ ہرگز بیانِ دل
حیرت ہے پوچھتے ہو غمِ دل کا ماجرا
آنکھوں کو لوگ کہتے ہیں شاید زبانِ دل
تیرے ہی دم سے گلشنِ دل میں تھی زندگی
مرجھا کے رہ گیا ہے مرا گلستانِ دل
شاخیں ہیں سوکھی سوکھی اور بلبل ہے دور دور
ویران ہوگیا ہے مرا بوستانِ دل
رکھو یا توڑ ڈالو یہ ہے اختیار اب
دل نے سمجھ لیا ہے تجھے پاسبانِ دل
نجمی وبالِ جان ہے اب میری زندگی
رہ رہ کے پھوٹتا ہے یہ آتش فشانِ دل
محمد شفیع الرحمٰن نجمی
P-236, Tikia Para
Garden Reach, Kolkata-700024
Mob: 9903936286
بشکریہ ’’میر بھی ہم بھی‘‘ مرتب: مشتاق دربھنگوی
………………………
|