غزل

دل بہت آج پریشاں ہے غزل کون کہے
ہر طرف موت کا ساماں ہے غزل کون کہے
تیرگی بڑھنے لگی وقت کی رفتار کے ساتھ
آج بے نور چراغاں ہے غزل کون کہے
دل پریشاں ہے اُداسی ہی اُداسی ہرسو
عرصۂ زیست بیاباں ہے غزل کون کہے
اشک آنکھوں میں ہیں ڈوبی ہوئی غم میں راتیں
دل میں گھٹتا ہوا ارماں ہے غزل کون کہے
وقت کے برہنہ خنجر سے اے نجمی اپنا
چاک در چاک گریباں ہے غزل کون کہے

محمد شفیع الرحمٰن نجمی

P-236, Tikia Para
Garden Reach, Kolkata-700024
Mob: 9903936286
بشکریہ ’’میر بھی ہم بھی‘‘	مرتب: مشتاق دربھنگوی
………………………