Paa bar'hana hai'n ab ke jangal mei'n
too bhii mai'n bhii talab ke jangal mei'n

khak khawhish bhii ab nahii urhti
khoon ke taab-o- tab ke jangal mei'n

haa'n abhii aarzoo nahii niklii 
aur kuchn roz abke jangal mei'n

kufro islam mil rahe hai'n gale
aur kiya hai adab ke jangal mie'n

woh bhii merii tarah se rah lega
umer bhar rozo shab ke jangal mie'n

kaun aayega milne ko 'Akhtar'
aisi veeran shab ke jangal mei'n