* ہوئے جوتجھ پہ مہ ونجم مہرباں، لار® *
غزل
ہوئے جوتجھ پہ مہ ونجم مہرباں، لاریب
میں ریت ریت شکستہ، تو آسماں، لاریب
میں ایک زرد شجر، اک یقین گزیدہ غبار
تو ایک سبز پرندہ گماں گماں، لاریب
یہ کیا طلسم، تجھے پھر بھی سنتا رہتا ہوں
نہ قصہ گوکی ضرورت، نہ داستاں، لاریب
مرے لہو کی چمک پانیوں سے کم تو نہ تھی؟
کہ موج موج بنی تیری سرخیاں، لاریب
مرے لہو کے پرندے !اڑان ایسی بھی کیا!
مری رگوں میں تری وادیاں دھواں، لاریب
+++
|