Dil ke aaseb ka duniya se gilaa hum ne kiya,
Shauq se khud ko giraftaar-e-balaa hum ne kiya !!

Aik hi khaab toh aa'nsoo ki tarah aa'nkh mei'n tha,
Khaak-e-dil ! tu hi bataa,uss-ka bhi kyaa hum ne kiya ?

Jab duaa di usay ,alfaaz sab apne bartay,
Iss bhalaaee mei'n ye thoda-sa buraa hum ne kiya.

Yaad-si cheez koee laa-ke shafaq per rakh-dee,
Shaam ko shaam se iss-tarh'a judaa hum ne kiya.

Kaash, ek ghum bhi ho aisa,ke kabhi jis se kahei'n !
Dil ki zanjeer se,  jaa , tujh-ko rihaa hum ne kiya .