|
* Dil ko iss jazbe-se aaraam sahee, yaad na aa *
Dil ko iss jazbe-se aaraam sahee, yaad na aa !
Tu meri yaado'n ki ek shaam sahee, yaad na aa !!
Ab tere aks mei'n shaamil hai kahii'n roo-e-raqeeb,
ghum-e-tanhaaee hai dushnaam sahee, yaad na aa!!
Iss zahaanat ka junoo'n-khezi se rishta matt torh !
Bhoolne-waalo'n mei'n kohraam sahee, yaad na aa !!
Bhoolna tera kisi bheerh ka haasil hai , toh phir?
Laakh khaali dil-e-nakaam sahee, yaad na aa !!
Main toh shaair hoo'n ,mera kaam jhulaste-rahna,
Oss ki boond tera naam sahee, yaad na aa !!
|
|