|
* Khud apne jaisa koi ham khayal chahti hoo'n *
Khud apne jaisa koi ham khayal chahti hoo'n,
Mai'n ab vesal se barh kar vesal chahti hoo'n,
Feraq yaar bhi guzre vesal ki surat,
Har aik haal me'n bas aik haal chahti hoo'n
Urooj per hai jo ik aatishe talab mujh me'n,
Mai'n us urooj ka yaksar zawaal chahti hoo'n,
Ae mere yaar meri be qararia'n mat poochh,
Mai'n aik pal me'n sadi ka kamal chahti hoo'n. |
|