|
* Heer hun, sheereen bhi mera naam hai *
Heer hun, sheereen bhi mera naam hai
be wafaai ka ye kyun ilzaam hai
Ahle dil barbaad to hote hai khud
kyun jafaagaron main mera naam hai
Khatm hote hi sharab-e-husn kyun
meri hasti aik khali jaam hai
Maan hun,beewee,behn hun,beti hun main
phir bhi meri zaat par neelaam hai
Binte hawwa ibne aadam k liye
hai koi in'aam yaa dushnaam hai
Chahta hai jo k main seeta banun
us se pooche koi, kya woh raam hai
Aik maamuli sukhan parwar hun main
shahida tasneem mera naam hai!! |
|