FERAAQ LAMHO'N KI MUSHKIL KO TAALNE WALA,
KOI TO HO MERI HASTI UJAALNE WALA,
NAZAR TO AATE HAI'N HIJRAA'N GUZAARNE WAALE,
MILA NA KOI MUJHE WASL PAALNE WAALA,
BIKHARTE JAATE HAI'N MUJH MEI'N JO MAAH O SAAL KE RANG,
KAHA'N SE LAAYU'N MAI'N UNKO SAMBHAALNE WALA,
TAMAM UMR YEH HASRAT RAHI KE MIL JATA,
MERE WAJOOD KI HASRAT NIKAALNE WALA,
MAI'N AISE LAMHAE JAA'N SOZ KI TALAASH MEI'N HOO'N,
JO APNE SAANCHE MEI'N HO MUJH KO DHAALNE WAALA,
NAYE ZAMAANE MEI'N MUJH KO KOI MILA HI NAHI,
NAYE ZAMAANE KI BUNIYAAD DAALNE WAALA,
MAI'N NA TAMAAM RAHI AUR "SHAHIDA TASNEEM",
NIDHAAL HO GAYA MUJH KO NIDHAALNE WAALA.