نعت پاک

توحید کا ستارہ ہیں ، تنویر آپؐ ہیں
دونوں جہاں میں نور کی تصویر آپؐ ہیں

اک معجزہ ہے آپ کے معراج کا سفر
جس کو خدا نے بخشی وہ تقدیر آپؐ ہیں

جینے کا ہے اصول محمدؐ کا بے مثال
ہر اک اصولِ زیست کی تصویر آپؐ ہیں

سیرت میں آپؐ کا کہیں ثانی نہیں کوئی
مومن کی چشمِ دید میں تنویر آپؐ ہیں

ہم کو ملی ہے آپؐ سے پہچان دہر میں
ہم عاصیوں کے واسطے توقیر آپؐ ہیں

ہر اک کلام آپؐ کا فرمان رب کا ہے
بے شک کلامِ پاک کی تفسیر آپؐ ہیں

شاہین وہ مدینے کا منظر نظر میں ہے
گھر کر گئی ہے دل میں وہ تصویر آپؐ ہیں

شہنواز بانو شاہین

Al-Ameen High School, Belur Road,
Chikmangalur-577101
Mob: 9739912840
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………