Had e nigah tak ye zamin hai siyah phir 
Nikali hai juganuon ki bhatakati sipah phir 
Honthon pe a raha hai koi nam bar bar 
Sannaton ki tilism ko toregi ah phir 
Pichale safar ki gard ko daman se jhar do 
Awaz de rahi hai koi suni rah phir 
Berang asman ko dekhegi kab talak 
Manzar naya talash karegi nigah phir 
Dhili hui giraft junun ki ke jal utha 
Taq e hawas may koi charag e gunah phir