* Ye kyaa jagah hai dosto ye kaun saa dayaar hai *
Ye kyaa jagah hai dosto ye kaun saa dayaar hai
hadd-e-nigaah tak jahaan Ghubaar hii Ghubaar hai
ye kis mukaam par hayaat mujh ko leke aa gaii
na bas Khushii pe hai jahaan na Gham pe ikhtiyaar hai
tamaam umr kaa hisaab maangatii hai zindagii
ye meraa dil kahe to kyaa ye Khud se sharmsaar hai
bulaa rahaa kyaa koii chilamanon ke us taraf
mere liye bhii kyaa koii udaas beqaraar hai
na jis kii shakl hai koii na jis kaa naam hai koii
ik aisii shai kaa kyon hamen azal se intazaar hai
|