Justajuu jis kii thii us ko to na paayaa ham ne
is bahaane se magar dekh lii duniyaa ham ne

tujh ko rusavaa na kiyaa Khud bhii pashemaan na huye
ishq kii rasm ko is tarah nibhaayaa ham ne

kab milii thii kahaan bichhadii thii hamen yaad nahiin
zindagii tujh ko to bas Khvaab men dekhaa ham ne

ai 'Ada' aur sunaaye bhii to kyaa haal apanaa
umr kaa lambaa safar tay kiyaa tanhaa ham ne