غزل

کی ہے تجھ سے سدا وفا میں نے
پیار کا حق ادا کیا میں نے

حیثیت جس کی اک ندی کی تھی
اُس کو دریا سمجھ لیا میں نے

اپنے خونِ جگر سے کرکے وضو
سجدۂ عشق کر لیا میں نے

آج مجھ کو ڈبو کے وہ خوش ہے
جس کو سمجھا تھا ناخدا میں نے

اُس نے مڑکر مجھے نہیں دیکھا
بارہا جس کو دی صدا میں نے

بے حیائی کی چل رہی تھی ہوا
اوڑھ لی چادرِ حیا میں نے

خوش رہے تو جہاں میں شائستہ
کی ہے تیرے لئے دعا میں نے

شائستہ بانو

91, Ripon Street
Block-A
Kolkata-700016
Mob: 9647414355
shayestabano@gmail.com
بہ شکریہ جانِ غزل مرتب مشتاق دربھنگوی
+++