* Jo dayere me'n hai woh dayere se bahar hai *
Jo dayere me'n hai woh dayere se bahar hai
Jo aayene me'n hai woh aayene se bahar hai
Main apne aap se kuchh mawara sa lagta hoo'n
Woh mujh me'n rah ke zara fasle se bahar hai
Mere talash se hat kar kahin milega mujhe
Woh la pata to nahi hai pate se bahar hai
Pukarta hai wahi mujh ko behunar kahkar
Hunar mera jo mere mashghale se bahar hai
Jo horaha hai woh aik hadsa hai is roo se
Kisi bhi zehan ke soche hue se bahar hai
Abhi kisi ki nazar hi nahi pari us par
"Shakeel" aisa kahan qafle se bahar hai
Shakeel Gwaliori
loha ghat , Lashkar,
Gwalior -274001(M.P)
|