Sawaal-e-chashm-e-ghizaalaa'n Shamim Farroqui
Jawaab-e-shauq-e-nigaaraa'n Shamim Farooqui..!
Har eik bazm-e-chiraaghaa'n Shamim Farooqui....
Har eik dasht-e-gulistaa'n Shamim Farooqui........!
Nishaat-e-ahd-e-gurezaa'n Shamim Farooqui.......
A'ndheri raat ka darmaa'n Shamim Farooqui........!
Wazeefa-e-shab-e-hijraa'n Shamim Farooqui........
Waqaar-e-khalwat-e-khoobaa'n Shamim Farooqui..!
Daraazi-e-shab-e-furqat aseer-e-reesh agar...........
Fosoon-e-Gesu-e-pechaa'n Shamim Farooqui.........!
Wafoor-e-jalwa-e-asnaam-e-shahr-e-khair-o-shar...
Bisaat-e-deeda-e-hairaa'n Shamim Farooqui...........!
Wo'h neem shab ki ibaadat ka ma-hasal zarrii'n.......
Mata-e-ashk-e-pasheemaa'n Shamim Farooqui........!
Kisi wali ki nigaaho'n ke faiz-e-kaamil se..................
Yaqeen-e-kul ka nigahbaa'n Shamim Farooqui..........!
Ghubaar-e-naqsh-e-kaf-e-paa-e- ahl-e-dil ke liye.......
Hai aaj naqsh badaamaa'n Shamim Farooqui............!
PaRhi hai jis ne ibaarat jhuki nigaaho'n se.................
Ghubaar-e-dargah-e-jaanaa'n Shamim Farooqui........!
Qabaa-e-yaar si uski ghazal hai chust durust.............
Shaoor-e-fan ka hai irfaa'n Shamim Farooqui.............!
Ghazal me'n garche banaana maqaam mushkil hai.....
Hai khaak-e-paak-e-dabistaa'n Shamim Farooqui........!
Ghazal me'n lahja-e-taaza ka ham-nawa hai wo'h.......
Namood-e-ra'ng-e-bahaaraa'n Shamim Farooqui.........!
Jo aaj waz-e-qala'ndar ko ikhtiyaar kiya......................
Bachaae aag se daamaa'n Shamim Farooqui...............!
Bahut se khel tamaasho'n me'n umr hai guzri...............
Ab apni zaat ka irfaa'n Shamim Farooqui.....................!
Nahi'n faqeeri se aala maqaam-e-sultaani....................
Imaam-e-ishq-e-aseeraa'n Shamim Farooqui................!
BaRa yaqeen hai 'Tarzi' khuloos par us ke.....................
Hai lutf-e-gardish-e-dauraa'n Shamim Farooqui.............!