Aag jalti rahe dhuaa'n hu'n mai'n..........
Kuchh pata to chale kahaa'n hu'n mai'n..!
Aaj tak bolta raha hai kaun...................?
Log kahte hai'n be-zabaa'n hu'n mai'n....!
Mai'n jo simtu'n to eik zarra'h hu'n.........
Aur phailu'n to aasmaa'n hu'n mai'n.......!
Khud hu'n ru-posh apni nazro'n se..........
Doosro'n par magar ayaa'n hu'n mai'n....!
Log padhte hai'n harf-harf mujhe............
Jaane kis kis ki daastaa'n hu'n mai'n........!
Tera mere baghair masraf kya...............?
Tu agar teer hai kamaa'n hu'n mai'n........!
Tha kabhi harf-e-motabar ki tarah............
Aaj ek harf-e-raaigaa'n hu'n mai'n...........!
Dekhne me'n agarche saakit hu'n.............
Sach to ye'h hai rawaa'n-dawaa'n hu'n mai'n..!
Aap hi ek nahi'n janaab-e-'Shamim'...........
Jaane kitno'n ka raazdaa'n hu'n mai'n.......!!
        ******************