Ek kiran chupke se aa'ngan me'n utar aayi thi
Un-dino'n meri tabiyat zara ghabraayi thi.......!
Wo'h bhi ek din ke abhi haath baRhaaya bhi na tha
Aur ye'h shaakh mere saamne jhuk aayi thi....!
Taab-e-nazzaara'h bhala log kahaa'n se laate...
Muddato'n baad nadi zor se lahraayi thi..........!
Jaane kyo'n aaj magar phoot ke rona aaya......
Dhoop pahle bhi mujhe dekh ke katraayi thi....!
Ham-safar koyi na tha jaada'h-e-ghurbat me'n 'Shamim'
Bas mere haal pe roti hui tanhaayi thi..............!
******