Zami'n pe rah ke dimagh aasman se milta hai, 
Kabhi ye sar jo tere aasta'n se milta hai, 
Isi zami'n se isi asma'n se milta hai, 
Ye kaun deta hai akhir kaha'n se milta hai, 
Suna hai lut liya hai kisi ko rahbar ne, 
Ye waqya to meri dasta'n se milta hai, 
Dar e habib bhi but kada bhi kaba bhi, 
Ye dekhna hai sukun kaha'n se milta hai, 
Talab na ho to kisi dar se kuch nahi milta, 
Agar talab ho to dono'n jaha'n se milta hai, 
Wahi'n chalo wahi'n ab ham bhi hath phailaye'n, 
`Shamim` sare jaha'n ko jaha'n se milta hai.