|
* Aaj mere shab e furqat ki sahar ai hai *
Aaj mere shab e furqat ki sahar ai hai,
Muddato'n bad teri rahaguzar ai hai,
Dekh to lijiye mere khun e tamanna ki bahar,
Jis ki surkhi meri ankho'n may utar ai hai,
Tune to tark e muhabbat ki qasam khai thi,
Kyon teri ankh mujhe dekh ke bhar ai hai,
Un ke pairahan e rangin ki mahak hai is may,
Aj kya bad e saba hoek udhar ai hai,
Is may kuch un ki jafaye'n bhi to shamil hai'n, `shamim`
Bewafai ki jo tohamat mere sar ai hai. |
|