ض 
شمیم قاسمی


نوکِ قلم سے ہر دم کھینچ
صوت وصدا کا موسم کھینچ

شبنم شبنم یادوں کی
’’ریشم ڈور‘‘ کو جانم کھینچ

مشکل سے وہ ہاتھ آئی ہے
کیوں کرتا ہے کھیچم کھینچ

خواب رنگ موسم آیا ہے
بھر بانہوں میں، جانم کھینچ

بابا سائیں کہلائے گا
نے کو پکڑ اور چیلم کھینچ

جیون اک بھاری گٹھری ہے
جینا ہو تو لے دم، کھینچ


سُرخ غزہ کی پٹی کردے
نقشے میں اک ایٹم کھینچ

میری جانب سنّاٹا ہو!
اپنی جانب عالم کھینچ

اور بھی شاید معنی ابھریں
حرفِ سخن کو پیہم کھینچ

رکھ تھوڑا ابہام کے پہلو
قامت اس کے مُبہم کھینچ
YY