(ہمعصر شاعر دوست قوس صدیقی کے نام)
’’غزلانیئے‘‘ لکھوں مگر تاثر بھی تو ابھرے
لفظوں کے لبادے سے کوئی سُر بھی تو ابھرے
’’لہرا بیے‘‘ ’’زہرا بیے‘‘ ’’لفظا بیے‘‘ لکھوں
عکس رُخ زبیا کا تصور بھی تو ابھرے
تصویر حقیقت کا گماں کچھ ہو مکمّل
آغوش پری وش سے وہ بادر بھی تو ابھرے
’’مشہو ریے‘‘ جی بھر کے مگر ارض سخن سے
محبوبنے والا کوئی عنصر بھی تو ابھرے
لفظوں کے بھنور جال سے نکلوں گا کسی روز
دریائے بدن سے کبھی اک در بھی تو ابھرے
میں کاغذی اجسام لہو رنگ بنائوں
لفظوں کے تصادم سے کوئی حر بھی تو ابھرے
چھوڑوں گا ’’غزل دونا‘‘ مگر آب رواں میں
ہلچل ہو کوئی موجِ تفکر بھی تو ابھرے
میں قوت تخلیق کہاں ضالعٔ کروں گا
یعنی دِل بنجر پہ اک انکر بھی تو ابھرے
SHAMIM QASMI
SHER SHAH STREET, SECTOR D
NEW AZIMABAD COLONY
PATNA 800006
MOB-09304009026