غزل

حسین کیوں نہ نظر آئے اُس ندی کا بدن
کہ جس کی گود میں رقصاں ہو جل پری کا بدن
غرور و فخر میںیہ بات کس کو سوجھتی ہے
ملے گا خاک میں اک دن ہر آدمی کا بدن
کیا خراش زدہ پنجۂ ہوس نے اُسے
اندھیری رات میں زخمی ہے روشنی کا بدن
امیر لوگ ہیں محنت کی دھوپ سے محروم
کہ جس میں تپ کے نکھرتا ہے مفلسی کا بدن
تو خاکساری کا مرہم ہی کام آتا ہے
انا کے تیر سے زخمی ہو جب کسی کا بدن
گھری حیات ہو جب موت کی سلاخوں میں
تو کس طرح رہے محفوظ زندگی کا بدن
کھلائے میں نے جو لفظوں کے پھول اے ساگر
تو خوشبوئوں سے مہک اٹھا شاعری کا بدن

شمیم ساگر

6/2/H/1, K.B.1st Lane, Narkeldanga
Kolkata-700011
Mob: 9903339135
بشکریہ ’’میر بھی ہم بھی‘‘	مرتب: مشتاق دربھنگوی
………………………