غزل

خدا کے فضل سے اردو کا خدمت گار زندہ ہے
ہمارا شعر اب بھی سرحدوں کے پار زندہ ہے
خدا کی ذات سے یہ رشتۂ امید نہ توڑیں
ابھی تو سانس باقی ہے ابھی بیمار زندہ ہے
عمل شیطان کا جو ہے وہی کرتا ہے اب انساں
ہمارے عہد میں ابلیس تو بیکار زندہ ہے
میری آنکھوں نے دیکھا ہے سیاست کا گھنا جنگل
شرافت کا لبادہ اُوڑھ کر مکار زندہ ہے
مری اماں مری نظروں سے اوجھل ہوگئیں کب کی
مرے دل میں مگر اُن کا ابھی تک پیار زندہ ہے
اگر طوفان میں کشتی گھری ہے تو مجھے غم کیا
ابھی ملاح تو تھامے ہوئے پتوار زندہ ہے
خزاں کا سایہ اُس پر پڑ نہیں سکتا کبھی ساگر
غزل پھولے پھلے گی جب تلک فنکار زندہ ہے

شمیم ساگر

6/2/H/1, K.B.1st Lane, Narkeldanga
Kolkata-700011
Mob: 9903339135
بشکریہ ’’میر بھی ہم بھی‘‘	مرتب: مشتاق دربھنگوی
………………………