نعت پاک

مدحتِ مصطفیٰؐ بس کیا کیجئے
نام سے اُن کے دل میں ضیا کیجئے

آپ اپنے پڑوسی کی کرکے مدد
یوں ادا سنتِ مصطفیٰؐ کیجئے

کیجئے پاک کلمے سے پہلے زباں
نعتِ پاکِ نبیؐ پھر کہا کیجئے

حشر میں سایہ کملی کا مل جائے گا
یاد میں اُن کی ہر دم رہا کیجئے

خواب میں اُن کا دیدار کرنا ہو گر
سنّتوں سے محبت کیا کیجئے

کام اپنا بنانا ہے رب سے اگر
واسطہ مصطفیٰؐ کا دیا کیجئے

جامِ کوثر پلائیں نبیؐ جی ہمیں
شاد ہر دم خدا سے دُعا کیجئے

 شمشاد جلیل شاد

15/2, Rukmani Bhavan,  Shanker Shet Road
Pune-411042 (M.S) Mob: 94 20 86 48 59
E.mail: shamshadjtakidar@gmail.com
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………